Ég hef verið að hrósa Morgunblaðinu, sumir hafa furðað sig á því.
Breytingin sem ég sé á Mogganum er ekki síst sú að hann er hættur að líta á sig sem valdastofnun í þjófélaginu.
Hann er einfaldlega farinn að hegða sér eins og venjulegur fjölmiðill. Einn af mörgum.
Um leið er eins og hafi gufað upp skinhelgin sem sem oft einkenndi Morgunblaðið – sú hugmynd að Mogginn ætti einhvern veginn að koma að stjórnborði samfélagsins – og þessi tilhneiging að skammta fólki fréttir.
Morgunblaðið hefur verið að flytja okkur fréttir um furðulega lánastarfsemi, tortólufélög og spillingu í fjármálakerfinu.
Í dag birtir blaðið svo stórmerkilega úttekt á stjórnarháttum í lífeyrissjóðum eins og lesa má hér. Um alvarlega fjárhagsstöðu þeirra sem reynt hefur verið að dylja og um bílífi stjórnenda lífeyrissjóða í boði bankanna.
Nýir eigendur taka við blaðinu eftir helgi. Er það kvíðvænlegt?
