Í þessari grein í New York Times kemur fram að saksóknarar í Bandaríkjunum búa sig undir stórfellda átak gegn fjármálaglæpum.

Eva Joly talaði um að á fundi heimsleiðtoga, G 20 fundinum svokallaða, í London í apríl yrði rætt um aðgerðir gegn skattaskjólum. Hún hefur sjálf verið í sambandi við bandaríska öldungadeildarþingmenn sem hafa unnið í þessu máli – og eru nátengdir Obama forseta.

Hún talaði um að nú gæti verið tækifærið til að fá upplýsingar úr skattaskjólum – líka fyrir Íslendinga – vegna geysilegs alþjóðlegs þrýstings á þau.

Í morgun mátti lesa að fyrsta skattaskjólið sé fallið, Liechtenstein.

Ég spurði hana líka hvort rétt væri að selja Kaupþing í Lúx til Líbýumanna. Hún varð frekar svona dimm á svipinn.

Sagði svo sögu af því þegar braust út eldur í skjalageymslu þegar hún var að rannsaka mál Crédit Lyonnais bankans. Eða réttar sagt, það var kveikt í, sagði hún.

Punktur saliens: Við skulum ekki gera ráð fyrir því að þeir sem liggja undir grun fyrir brot fylgi leikreglunum.