Það var Ken Livingstone, gamli vinstrimaðurinn, nú borgarstjóri Lundúna, sem leyfði Kínverjum að setja upp Ólympíusirkusinn í borg sinni í gær. Kínverjar kalla þetta ferðalag journey of harmony – þetta er á vegum þeirra en ekki Ólympíunefndarinnar. Með ferðinni fylgjast kínverskir öryggisverðir í bláum æfingagöllum; lögreglan þurfti að hafa hemil á mótmælendum sem veifa fána Tíbets.
Simon Jenkins skrifar góða grein um þetta í Guardian í dag.
Fíaskóið er að endurtaka sig í París í dag. Þar þurfti tvisvar að slökkva eldinn. Maður ímyndar sér ekki að fleiri borgir vilji fá svona heimsókn.
En kannski verður þetta áhrifavaldur í kosningabaráttunni í London – hver veit nema hinum litríka Boris Johnson takist að fella Rauða-Ken?
Hins vegar heyrist varla mikið um þetta í fjölmiðlum í Kína.
