Íslendingar eru stundum sérstök þjóð.

Það mikið fárast yfir kostnaði við ferð Geirs Haarde, Ingibjargar Sólrúnar í einkaþotu á leiðtogafund Nató í Búkarest. Kannski hefðu þau getað farið með áætlunarflugi. En frétt eins og þessi hérna er bara bull sem er byggt á ágiskunum og hálfkveðnum vísum.

Hins vegar hef ég hvergi séð neitt um fundinn sjálfan, dagskrá hans eða tilgang. Það er enginn áhugi á því.
Ísland er þjóð sem er í Nató og hefur verið frá upphafi en eyðir nánast engu í varnarmál. Aðildin að bandalaginu hefur verið okkur mjög mikilvæg. Og við eigum mikið undir því að bandalagið veikist ekki að marki.

Nató er að sumu leyti í leit að tilgangi sem það hefur ekki fundið eftir kalda stríðið. Æ fleiri ríki vilja þó ganga í Nató – bandalagsríkin eru orðin tuttugu og sex. Það hefur engum dottið í hug betri hugmynd en þetta áratuga gamla samstarf.

Ég mæli með þessari grein eftir Martin Kettle úr Guardian.