Þetta er þó huggun harmi gegn.

Samgöngumiðstöðin á ekki að vera jafnstór og Leifsstöð.

Ef myndin er skoðuð sést að þarna eru strætisvagnar fyrir utan.

Mig langar að vita: Hvert eru þeir sem ferðast með strætó þarna um að fara?

Og hvaðan eru þeir að koma?

Eru þeir að taka strætó í flug og úr?

Eins og stendur gengur ein strætisvagnaleið, númer 15, út í flugstöðina á Reykjavíkurflugvelli og er ekki beinlínis stappað um borð.

Á myndinni eru átta – ef ekki níu – strætisvagnar.

Þegar umræða var um samgöngumiðstöðina fyrir nokkrum árum var áætlað að 1,1 milljón manna færi um hana á ári. Ég veit ekki með þær tölur. Þær gera líklega ráð fyrir að rútusamgöngur séu komnar þarna á á svæðið líka. Það eru varla nema 1000 flugfarþegar sem fara um völlinn á dag – ef svo mikið.

Á sama tíma fara milljónir og aftur milljónir vegfarenda um Hlemmtorg.

(Ég les að þarna eigi líka að vera verslanir. Ætlar hið opinbera þá líka að fara að reka verslanamiðstöð í Vatnsmýri?)

(Og það er gert ráð fyrir 100 daga skipulagstíma. Það hlýtur að vera met.)