It´s the economy, stupid! var frasi sem var mikið notaður í kosningunum 1992 þegar Bill Clinton sigraði George Herbert Bush, föður núverandi Bandaríkjaforseta.

Þá var stutt samdráttarskeið í efnahagslífinu. Á tíma Clintons var síðan mikill uppgangur. Margir Bandaríkjamenn minnast þeiss tíma sem einhvers konar gullaldar.

Á tíma Bush yngri hefur efnahagur Bandaríkjanna verið keyrður svo í þrot að það er við það að valda heimskreppu. Þetta verður aðal málið í forsetakosningunum í nóvember.

Þetta ætti að vera styrkur fyrir Hillary Clinton, en veikir um leið framboð hins lítt reynda Baraks Obama. Hún er hefur tengsl við tíma þegar efnahagurinn var í lagi.

Hvað John McCain varðar þá vill maður ekki trúa því að Bandaríkjamenn kjósi karlugluna yfir sig. Þegar efnahagsmálin eru annars vegar virkar hann ekki traustvekjandi.

En nýs forseta Bandaríkjanna bíður verkefni sem er ekki sérlega öfundsvert. Hann tekur við ríki sem er í kalda koli.