Menn eru að hafa áhyggjur af 60 sekúndna auglýsingatíma í áramótaskaupinu.

Ég myndi hafa meiri áhyggjur af því hvernig skaupið hefur eyðilagt áramótapartí á Íslandi í fjörutíu ár.

Það er rosalegur antíklímax að horfa á sjónvarpið rétt fyrir miðnætti á gamlárskvöld.

Svo byrjar sama tuðið ár eftir ár: Hvernig fannst þér skaupið?

Þessi lína er nú ekki alltaf upphaf að skemmtilegum samræðum.

Ég get allavega hugsað mér betri aðferð til að halda upp á áramót. Skaupið er frá þeim tíma þegar var ekkert fyndið efni í sjónvarpi á Íslandi; nú opnar maður varla sjónvarp án þess að einhver sé að reyna að vera fyndinn.

Með fullri virðingu fyrir Áramótaskaupinu sem ég viss um að verður fínt þetta árið – og auglýsingasekúndurnar sextíu eru ágætis hlé til að pissa.

Mætti eiginlega vera lengra.