Þessar deilur Donalds Trump við skoska sjómanninn eru eiginlega nákvæmlega eins og plottið í Local Hero, einhverri ágætustu gamanmynd sem hefur verið gerð. Þar leikur Burt Lancaster auðkýfinginn sem vill eignast landspildu sérviturs Skotans sem hugsar um part af fjöru eins og hún sé dýrmætt djásn.
Í myndinni stendur rimman um olíuhreinsunarstöð sem á að reisa í fallegum skoskum firði, ekki golfvöll.
Svo sér auðkýfingurinn að sér, hrífst af einföldu lífi Skotans gamla og hættir við að byggja ferlíkið. Uppgötvar að himinfestingin og ströndin eru mikilvægari en þau verðmæti sem mölur og ryð fá grandað.
En það er kannski engin hætta á að Trump fái þess konar vitrun.
