Þeir eru farnir að auglýsa Kiljuna í sjónvarpinu. Meðal gesta í fyrsta þættinum á ég von á að verði Ayaan Hirsi Ali, Tracy Chevalier, Yasmin Crowther, Marina Lewycka Kári Stefánsson, Vilborg Dagbjartsdóttir og Bragi Kristjónsson.
Þeim síðasttalda er reyndar ætlaður fastur staður í þáttunum – ásamt Páli Baldvini Baldvinssyni og Kolbrúnu Bergþórsdóttur.
Annars mun fyrsti þátturinn bera merki þess að hér er bókmenntahátíð. Svo kemur jólabókaflóðið og tekur yfir – ásamt tvöhundruð ára afmæli Jónasar í nóvember. Svo á ég bráðlega von á Einari Má Jónssyni, höfundi hinnar óvæntu metsölubókar, Bréfs til Maríu.
