Kenny D, 37 ára, hætti að drekka fyrir þremur árum síðan. Hann hefur tekið ótrúlegum breytingum, líkamlegum og andlegum, síðan hann sagði skilið við áfengi.
Kenny byrjaði að drekka þegar hann var í háskóla. Hann fór svo að taka eftir því að þegar hann byrjaði að drekka, þá gat hann ekki hætt. Það endaði með því að hann náði botninum og drakk sig blindfullan á hverjum degi.
Hann vissi að hann þyrfti að gera eitthvað, svo hann ákvað að fara á AA fund. AA-samtökin eru 12 spora samtök, og fá meðlimir einskonar „pening“ fyrir hver tímamót. Þegar þeir hafa verið edrú í einn mánuð, þrjá mánuði, ár og svo framvegis.
Hann ákvað að taka alltaf speglamynd af sér í hvert skipti sem hann fékk svona pening. Útkoman er mögnuð.
„Ég tók mynd af mér sjálfum daginn sem ég fékk minn fyrsta edrúpening, 24 klukkutíma edrú. Ég var svo veikur og ég leit svo hræðilega út, ég vildi muna eftir þessu svo ég myndi ekki gleyma því,“ segir hann við Bored Panda.
„Daginn sem ég fékk 30 daga peninginn þá fannst mér ég hafa breyst alveg svakalega og ákvað að taka aðra mynd.“
Eins og sést þá hafði hann rétt fyrir sér.
Hann hélt áfram að taka myndir til að sanna fyrir sér sjálfum að hann væri að breytast. Hann breyttist ekki aðeins líkamlega, en eins og sést á myndunum er hann mun hamingjusamari.
