Nýleg Instagram-færsla Kourtney Kardashian hefur vakið mikla athygli. Á myndinni má sjá raunveruleikastjörnuna halda á lambi og klæðast köflóttri skyrtu.
Skyrtan hefur verið talsvert til umræðu hjá netverjum eftir að hún birti myndina. En ástæðan er að skyrtan virðist vera nákvæmlega sú sama og fyrrverandi eiginmaður hennar, Scott Disick, hefur klæðst.
Aðdáendasíða Kourtney og Scott deildi mynd af þeim báðum í skyrtunni. „Kourtney er í alvöru að klæðast skyrtu í eigu Scott!“
Það eru komnar um þrjár vikur síðan Scott Disick og Sofia Richie hættu saman eftir þriggja ára samband. Margir aðdáendur telja skyrtuna vera merki um að fyrrverandi hjónin séu að taka saman aftur þar sem þau eru bæði einhleyp.
Kourtney og Scott eiga saman þrjú börn; Mason, Penelope og Reign.
