Kanye West hætti að drekka áfengi eftir að hann áttaði sig á því að hann væri virkur alkóhólisti.
Rapparinn greinir frá þessu í forsíðuviðtali við tímaritið GQ. Hann segir frá því hvernig hann drakk vodka á morgnana. En í dag er hann hættur.
„Ég hef ekki fengið mér áfengan drykk eftir að ég áttaði mig á því að ég þyrfti að taka einn dag í einu. Ég tók aldrei ábyrgð á mér og það sagði enginn við mig: „Hey þú ert virkur alkóhólisti.“ Fólk hefur kallað mig geðveikan, fólk hefur kallað mig nánast hvað sem er, allt nema alkóhólista,“ segir Kanye.
Hann segir frá augnablikinu þegar rann upp fyrir honum ljós.
„Einn daginn var ég að vinna að fatalínu minni og það var Grey Goose í ísskápnum. Ég ætlaði að fá mér eitt glas um miðjan dag og ég hugsaði: „Þú sigrar mig ekki í dag, djöfull.““
