Joleen Diaz er 43 ára grunnskólakennari sem internetið hefur valið sem „heitustu mömmu í heimi.“
Unglegt útlit hennar hefur vakið mikla athygli. Í viðtali við Fox News segir hún að athyglin getur verið yfirþyrmandi.
Joleen ólst upp í Gvam og segir að hún hafi verið hálfgerð strákastelpa í æsku. Í dag býr hún í San Francisco með 19 ára dóttur sinni, Meilani Parks.
Þrátt fyrir að það sé 23 ára aldursmunur á mæðgunum er sífellt verið að rugla þeim við systur.
Byrjaði á samfélagsmiðlum
„Þetta byrjaði allt þegar dóttir mín deildi myndbandi á samfélagsmiðlum, það var eitthvað trend í gangi um heitar mömmur. Ég held að þannig hafi ég fengið nafnið,“ segir hún og bætir við að það eru „margar heitar mömmur þarna úti.“
Joleen er nú með 112 þúsund fylgjendur á Instagram. Hún segist vera í „sjokki“ yfir athyglinni sem hún hefur fengið.
„Þetta gerðist allt svo hratt. Eiginlega bara á tveimur dögum. Dóttur minni finnst þetta mjög töff,“ segir Joleen.
„Það tók smá tíma fyrir mig að venjast þessu. Ég er ekki alveg vön svona athygli.“
