Söngkonan Selena Gomez og söngvarinn Justin Bieber voru sundur og saman á árunum 2011-2018. Í dag er Justin Bieber giftur fyrirsætunni Hailey Baldwin.
Selena, 27 ára, opnar sig um samband þeirra í viðtali á NPR í gær.
„Mér finnst eins og ég hafi verið þolandi ákveðins ofbeldis [í sambandinu],“ segir Selena.
Aðspurð hvort hún hafi verið að tala um „andlegt ofbeldi“ svarar Selena játandi.
„Já og ég held að það sé eitthvað sem ég hef þurft að finna leið til að skilja sem fullorðinn einstaklingur,“ segir hún.
„Eins mikið og mig langar klárlega ekki að eyða því sem eftir er að tala um þetta, þá er ég mjög stolt að geta sagt að ég er eins sterk og ég hef nokkurn tíma verið og ég hef fundið leið til að komast úr þessu með eins miklum þokka og hægt er.“
Selena staðfesti einnig að lagið „Lose You To Love Me“ væri um samband hennar og Justin Bieber.
„Lagið er ekki fyllt af hatri. Þetta er lag sem segir: Ég átti eitthvað fallegt og ég gæti aldrei neitað að það var það ekki. Þetta var mjög erfitt og ég er ánægð að því sé lokið.“
Hlustaðu á lagið hér að neðan.
