Shane og Hannah hafa verið saman í fjögur ár. Þau halda úti vinsælli YouTube-rás með yfir 589 þúsund fylgjendur. Parið sýnir frá daglegu lífi sínu sem mörgum þykir einstaklega áhugavert sökum þess að Shane er fatlaður en Hannah ekki.
„Við áttuðum okkur á því að fólk þykir samband okkar ansi sérkennilegt. Annað okkar er með alvarlega vöðvarýrnun og notar hjólastól, hitt okkar gerir það ekki,“ segir parið í lýsingu fyrir YouTube-síðu sína.
Í nýjasta myndbandinu ræða þau um líkamlega ástúð og nánd. Þau eru orðin langþreytt á því að fólk trúi ekki að þau séu alvöru par.
„Síðan við byrjuðum á YouTube höfum við tekið eftir því að það er alltaf einhver dónalegur og fáfróður sem trúir ekki að við séum alvöru par,“ segir Shane.
„Vegna þess að við kyssumst ekki „með ástríðu“ fyrir framan myndavélina, þá erum við ekki alvöru par samkvæmt þessum aðilum,“ segir Hannah.
Þau lesa síðan nokkur ummæli frá fólki sem segist vilja sjá þau kyssast „með tungu“ og að Hannah „sleiki andlitið“ á Shane til að „sanna að þau séu alvöru par.“
„Við ætlum að byrja myndbandið upp á nýtt og gefa ykkur það sem þið viljið,“ segir Shane. Hannah tekur utan um Shane og sleikir hann í framan á meðan hann talar um daginn og veginn.
Í myndbandinu ræða Shane og Hannah um líkamlega ástúð og nánd í sambandinu. Þau hafa verið saman í fjögur ár og var sambandið þeirra einstaklega ástríðufullt í upphafi þess.
„Það stigmagnaðist bara vegna þess að við vorum í fjarsambandi, þannig í hvert skipti sem við hittumst gátum við varla látið hvort annað í friði,“ segir Hannah og bætir við að þau hafi verið á mörkunum að vera beinlínis pirrandi.
Þau ræða síðan um hvernig þau eru náin, eins og að þau sofa nakin, kúra á morgnana og haldast í hendur yfir sjónvarpinu.
Horfðu á myndbandið hér að neðan.
