Fjölmiðlakonan Katie Hopkins er afar umdeild og hefur verið kölluð „hataðasta kona Bretlands.“ Katie er þekkt fyrir andúð sína á innflytjendum og var til dæmis vikið frá störfum hjá breskri útvarpsstöð árið 2017 fyrir að hvetja til helfarar í Bretlandi í kjölfar hryðjuverkaárásarinnar í Manchester sama ár. Twitter-reikningi hennar var nýlega lokað fyrir að brjóta reglur miðilsins um hatursorðræðu.
Suður-afríska YouTube-stjarnan og hrekkjalómurinn Josh Pieters hrekkti Katie Hopkins á dögunum. Hann bauð henni til Prag til að taka á móti verðlaunum frá samtökunum Cape Town Collective for the Freedom of Speech. En bæði samtökin og verðlaunin „Campaign to Unify the Nation Trophy“ eru ekki til. Josh valdi þetta nafn vegna skammstöfunarinnar; C.U.N.T.
Josh deildi myndbandi á YouTube í gær þar sem áhorfendur fá að fylgjast með öllu ferlinu frá byrjun til enda. Það er einnig sýnt frá verðlaunakvöldinu sjálfu þökk sér nokkrum földum myndavélum. Kvöldverðurinn var haldinn á Four Seasons-hóteli í Prag. Josh og vinur hans Archie voru viðstaddir kvöldverðinn ásamt nokkrum leikurum. Þau borða, drekka og skemmta sér og síðan er Katie heiðruð. Hún heldur þakkaræðu sem er vægast sagt hlaðin fordómum.
Horfðu á myndbandið hér að neðan.
Myndbandið hefur fengið yfir 1,2 milljón áhorf síðastliðinn sólarhing. Katie hefur ekki tjáð sig um það, enda er nýbúið að loka fyrir Twitter-reikning hennar.
