Kim Kardashian var „mömmu-smánuð“ (e. mom-shamed) fyrir að hafa leyft sex ára dóttur sinni, North West, að vera með „risastóra“ eyrnalokka.
Kim deildi mynd af sér og North á Instagram. Á myndinni má sjá eyrnalokka North en það eru gullitaðir hringeyrnalokkar.
https://www.instagram.com/p/B15JTR7A7Mk/
Það leið ekki langur tími þar til netverjar byrjuðu að gagnrýna stjörnuna fyrir að „leyfa“ dóttur sinni að klæðast þeim.
„Sætt en þessir risastóru hringir fyrir litla stelpu? Hún er ekki einu sinni ellefu ára,“ skrifaði einn netverji.
„Ég hef áhyggjur af eyrunum hennar. Ég er næstum því þrítug og hef enn þá áhyggjur af því að einhver/barn eða hundur minn muni rífa þá úr,“ sagði annar.
Annar netverji sagði eyrnalokkana vera „fáránlega“ og að Kim ætti að leyfa dóttur sinni að „hegða sér eins og barn.“
Einn netverji bað Kim að „klæða North samkvæmt aldri,“ og sagði: „Þetta er svoooo ekki í lagi.“
Hvað segja lesendur um eyrnalokkana?
