fbpx
Miðvikudagur 23.október 2019  |
Bleikt

Áhrifavaldur óttast um framtíð sína: Instagram eyddi síðunni hennar fyrir að birta „of kynferðislega“ mynd

Ritstjórn Bleikt
Miðvikudaginn 18. september 2019 12:30

Ekki missa af Helstu tíðindum dagsins í pósthólfið þitt

Lesa nánar

Sally Mustang, frá Ástralíu, tilkynnti nýlega á Instagram-síðu sinni að hún ætti von á sínu fyrsta barni með eiginmanni sínum, Mitch Gobel.

Sally er, eða réttara sagt var, með tæplega 300 þúsund fylgjendur á miðlinum. Aðganginum hennar var eytt eftir að hún deildi mynd sem var talin of „kynferðisleg.“

Á myndinni var hún nakin í baði og var óléttubumban í aðalhlutverki. Myndin var tilkynnt og eyddi Instagram henni í kjölfarið út og sagði hana vera of kynferðislega, en ekki sást í kynfæri og hélt Sally fyrir brjóstin sín með hendinni.

Hún opnaði sig um málið á Instagram-síðu Mitch, eiginmanns síns, semer með um 215 þúsund fylgjendur. Hún sagðist vera hrædd um framtíð sína en hún fær tekjur sínar frá samfélagsmiðlum.

„Ég er svo sár í hjartanu og ég er rosalega hrædd,“ sagði Sally.

„Ég er komin fimm mánuði á leið og allt lífsviðurværi mitt er horfið […] Þetta eru minningar mínar, rödd mín, samfélag mitt, fjölskylda mín og atvinna mín. Þetta er allt horfið. Og að vera komin fimm mánuði á leið og að þurfa að aðlagast þessari breytingu finnst mér vera svo ósanngjarnt. Mér finnst þetta svo harkalegt að ég verð að stíga fram og tala um þetta.“

Eftir að Instagram-aðgangi hennar var eytt bjó hún til nýjan aðgang og þakkaði fyrir stuðninginn: „Það er búin að hóta því að eyða Instagram-aðgangi Mitch þannig við ætlum að taka því mjög rólega hérna næstu daga.“

Mitch deildi sjálfur færslu á sínum aðgangi þar sem hann sagði að þau væru að reyna að fá upprunalegan aðgang Sally aftur á Instagram, en þeirri færslu hefur verið eytt.

„Ef ég og Sally missum bæði Instagram-síðurnar okkar, þá missum við miklu meira í raunheiminum,“ sagði Mitch samkvæmt Kidspot.

Sally og Mitch tilkynntu um væntanlegt barn á Instagram í síðustu viku. Þau halda einnig úti síðunni Sex is Art, þar sem þau deila kynlífssögum sínum með aðdáendum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Fyrir 1 viku

Stelpan þjáðist af svo miklum aðskilnaðarkvíða – Trikkið sem virkar alltaf

Stelpan þjáðist af svo miklum aðskilnaðarkvíða – Trikkið sem virkar alltaf
Bleikt
Fyrir 1 viku

Hún er heyrnarlaus – Getur fjölskyldan skilið rödd hennar?

Hún er heyrnarlaus – Getur fjölskyldan skilið rödd hennar?

Tarot Spil

Veldu þér spil og sjáðu spádóm þinn.