Glamúrfyrirsætan Katie Price sér eftir nýjustu fegrunaraðgerðinni og áttar sig á að nú gekk hún of langt, samkvæmt heimildarmanni The Sun.

Tvö yngstu börn hennar, Jett, 4 ára, og Bunny, 5 ára, grétu þegar þau sáu móður sína eftir aðgerð.

Katie, 41 árs, sneri nýlega aftur til Tyrklands til að fara í fegrunaraðgerð. Hún fór þangað síðast í apríl í Brazilian butt lift og fitusog.

Myndir af glamúrfyrirsætunni, með bólgið og blóðugt andlit, eftir aðgerðina hafa vakið athygli. Aðdáendur hafa miklar áhyggjur af stjörnunni.

Heimildamaður náinn stjörnunni sagði við New! Magazine að Katie sér strax eftir að hafa lagst aftur undir hnífinn. Hún er mjög verkjuð.

„Katie gat varla talað eftir aðgerðina, en þegar henni tókst að segja nokkur orð var hún ekki með sjálfri sér Það er augljóst að hún sér strax eftir ákvörðuninni. Hún finnur fyrir svo miklum sársauka núna að jafnvel hún áttar sig á því að nú gekk hún of langt,“ segir heimildamaðurinn.

Börn Katie voru í áfalli þegar þau sáu móður sína fetir aðgerðina og fóru að gráta samkvæmt The Sun Online.

Þau áttu erfitt með að sjá móður sína með bólgið, blátt og blóðugt andlit eftir að hafa gengist undir enn aðra fegrunaraðgerðina. Heimildamenn tengdir stjörnunni segja að börnin séu í uppnámi yfir útliti móður sinnar, og hafa ekki hugmynd um hvað skeði.

„Bunny og Jett héldu að eitthvað slæmt hafði gerst fyrir móður þeirra því hún var blóðug og þau sáu ný ör. Þau grétu á meðan hún reyndi að útskýra þetta fyrir þeim,“ segir heimildamaður vefmiðilsins.

„Jett og Bunny eru of ung til að skilja almennilega hvað mamma þeirra er að gera við líkama sinn,“ sagði annar heimildamaður.

„Aftur og aftur eru þau ringluð yfir af hverju mamma þeirra er sífellt marin, illa útleikin og með fullt af saumum. Hver veit hvað þau eru að hugsa. Það er ótrúlegt ef börnin glíma ekki sjálf við einhver útlitsdýrkunarvandamál nú þegar. Hún er ekki að setja gott fordæmi fyrir börnin sín.“

Nýjustu heimildir The Sun herma að Katie Price er með þráhyggju fyrir því að líta unglega út svo hún getur fundið „sykurpabba til að gera hana ríka.“ Hún er trúlofuð Kris Boyson, 31 árs, en heimildir herma að hún vill finna ríkan mann áður en „hann heldur framhjá.“

„Kris er yngri en hún og hún er að reyna að halda við hann. Hann hefur fengið mikið af athygli frá kvenmönnum upp á síðkastið og henni líður eins og hún sé í samkeppni. Hún hefur alltaf viljað einhvern sem getur stutt hana, fjárhagslega, og því miður getur Kris það ekki,“ segir heimildamaður The Sun.