Tory á fjóra kærasta. Travis, Ethan, Mark og Chris. Hún er einnig ólétt og ætla þau fimm að ala upp barnið saman. Þau koma fram í þætti Barcroft TV og segja frá óhefðbundnu sambandsformi sínu.
Kynntust í skóla
Fyrst voru það bara Tory og Travis. Travis stakk upp á að þau myndu prófa fjölsamband og byrjaði Ethan með þeim í sambandi. Þau þekktu hann bæði úr skóla (e. junior high). Næst bættist Mark við sambandið, og þekkti Tory hann úr framhaldsskóla. Svo er Chris nýjasta viðbótin.
Eitt helsta áhugamál þeirra eru borðleikir og segjast þau öll vera með frekar mikið keppnisskap.
Mennirnir eru aðeins í rómantísku sambandi með Tory, en ekki hvor öðrum.
„Þeim er öllum meira en velkomið að eignast annan maka ef þeir vilja. Ég myndi elska það ef einhver myndi eignast annan maka. Að skipta niður tímanum jafnt á milli allra og passa upp á að engum finnist þeir undanskildir er erfitt,“ segir Tory.
Aðspurð hversu oft þau upplifi afbrýðisemi í sambandinu segir Ethan það gerast oft.
„En sem betur fer eru nokkrar heilbrigðar leiðir til að kljást við það, þá allra helst að tala saman,“ segir Ethan.
„Við eigum til að tala í kringum hlutina frekar en að segja bara hreint og beint út: Ég vill eyða tíma með Tory,“ segir Travis.
Travis segist ekki vilja útiloka það að eiga rómantískt samband við hina mennina. „Ég og Ethan svona eiginlega reyndum að eiga samband í framhaldsskóla en það misheppnaðist mjög hratt,“ segir hann.
Ólétt
Tory er komin um 24 vikur á leið í þættinum. Chris er líffræðilegur faðir barnsins.
„Við vitum það út frá tímasetningunni, en við erum öll að ala upp barnið svo allir eru pabbar,“ segir Tory.
„Ég er kannski ekki alveg hlutlaus en ég gæti ekki hugsað mér betri fjölskyldu til að ala upp barn,“ segir Chris.
Horfðu á þátt Barcroft TV hér að neðan.
https://www.youtube.com/watch?v=AkA5jH36_Ks