Guðlaugur Þór Þórðarson utanríkisráðherra hefur verið mikið á milli tannanna á fólki eftir umdeild ummæli sem hann lét falla í eyru háskólanemanda. DV ákvað því að lesa í tarotspil Guðlaugs og sjá hvað framtíðin ber í skauti sér, en lesendum DV er bent á að þeir geta sjálfir dregið sér tarotspil á vef DV.
Fyrsta spilið sem kemur upp hjá Guðlaugi er 10 mynt. Þar kemur fjölskyldan hans og vinir sterkt fram og táknar að Guðlaugur og fjölskylda hans búa við fjárhagslegt öryggi. Fjölskyldan styður ríkulega á bak Guðlaugs þegar á móti blæs og einkennist heimilislífið af miklu trausti og ást, en ekki síst skilningi. Guðlaugur hefur ákveðnum skyldum að gegna gagnvart fjölskyldu sinni og vinum og á milli þeirra ríkir gagnkvæm ást og virðing. Uppeldi hans hefur vissulega mótað hann sem manneskju í atferli og háttum á jákvæðan hátt. Þessi góði bakgrunnur eflir sjálfstraust Guðlaugs og er hann ávallt viss um hvaða mann hann hefur að geyma.
Annað spilið er Stríðsvagninn. Guðlaugur veit hvert hann ætlar sér í lífinu og hvernig hann á að ná markmiðum sínum. Hann veit líka hvar tækifærin liggja og því getur hann varið kröftum sínum öllum á réttum stöðunum. Það sem hefur komið honum langt er metnaður og drifkraftur sem sést sjaldan. Þá er hann einnig viljugur til að feta nýjar slóðir. Hins vegar virðist Guðlaugur ekki vera að nýta hæfileika þína rétt akkúrat núna og þarf hann að horfast í augu við þann vanda og leysa hann. Ef honum finnst hann fastur í lífinu þá þarf hann að bíða eftir að rétta tækifærið komi til hans. Á sama tíma þarf hann að nálgast öll ný tækifæri með varkárni og ekki hoppa á vagninn nema af fullri sannfæringu. Það virðist því á öllu að hann muni ekki gefa kost á sér í pólitíkinni í næstu kosningum og að hann vilji fremur starfa í einkageiranum.
Loks eru það 10 sverð. Þessi stóra ákvörðun um að segja skilið við pólitíkina umlykur Guðlaug og hann þarf að leyfa hjarta sínu, innri visku og innsæi að hafa úrslitavaldið. Hann skal einnig varast nýfundinn félagsskap sem reynir að heilla hann með gylliboðum. Hann má ekki tapa því sem gerir hann drífandi, en það er að geta horft á hlutina á hagnýtan hátt en ekki elta innihaldslausa drauma. Guðlaugur má ekki taka tækifæri sem honum finnst ekki vera rétt. Hann hefur alltaf úrslitavaldið og sú ábyrgð verður aldrei tekin frá honum. Þegar hann hins vegar nær að skilja hismið frá kjarnanum er leiðin greið, erfiðir tíma á bak og burt og framtíðin björt.
