Í gær var 11. september og átján ár síðan tveimur farþegaþotum var flogið á Tvíburaturnana í New York í skelfilegri hryðjuverkaárás.
Meðan fólk minntist dagsins og fólksins sem féll á samfélagsmiðlum, þá var ein Instagram-fyrirsæta harðlega gagnrýnd fyrir að birta „óviðeigandi“ mynd í tilefni dagsins.
Fyrirsætan Xeni Tchoumi, 32 ára, deildi mynd af sér sitjandi fyrir framan stóran glugga, út um gluggan má sjá útlínur New York og skrifaði hún með myndinni: „Gert það dramatískt síðan 2001.“
Hún deildi myndinni í gær, 11. september, og á sama tíma, um korter í níu um morguninn, og fyrri flugvélin flaug á norður turninn.
Fjöldi fólks skrifaði við færslu Xeniu og sögðu hana vera „óviðeigandi.“
Xenia hefur nú breytt textanum við myndina og breytt honum í: „Geri það dramatísk fyrir tískuvikuna.“ Hún útskýrði nánar fyrri textann og baðst afsökunar.
„Fyrri textinn vísaði alls ekki til 9/11 – þetta var óheppileg tilviljun sem brýtur í mér hjartað. Ég man enn þá eftir þessum degi eins og þetta hafi gerst í gær og ég ber mikla virðingu fyrir hverri sál sem þjáðist.“
https://www.instagram.com/p/B2RQrKXHULD/?utm_source=ig_embed
Talsmaður hennar sagði í samtali við LadBible að hún hafi verið að meina að „hún hefur verið dramatísk tískudrós (e. fashionista) síðan 2001“ og hún hafi ekki áttað sig á óheppilegri tímasetningu færslunnar því hún var nýkomin úr ferðalagi.
