Talsmaður Cyrus hefur gefið út yfirlýsingu um málið þar sem hann staðfesti þennan grun.
„Þau eru í stöðugri þróun, bæði sem par og sem einstaklingar. Þau hafa ákveðið að þetta sé best fyrir þau bæði á meðan þau einbeita sér að framanum og sjálfum sér. Þau munu hugsa um öll dýrin sín í sitthvoru lagi á meðan þau eru aðskilin.“
Miley deildi myndunum þar sem hún er án giftingahringsins á Instagram síðu sinni en síðustu daga hefur hún verið að ferðast um Ítalíu.
Það leit allt út fyrir að vera í lagi hjá Miley og Liam. Miley sagði í samtali við Howard Stern fyrir stuttu að hún elskaði Liam ennþá meira eftir að hann bjargaði dýrunum þeirra úr eldsvoðanum í Malibu síðastliðinn Nóvember.
„Ég held að það sé mjög ruglandi fyrir fólk að ég sé gift. En sambandið mitt er einstakt.“
Miley sagðist þá einnig ekki passa í týpíska eiginkonuhlutverkið.
„Ég meina, heldur fólk í alvörunni að ég sé bara heima hjá mér í fokkings svuntu að elda kvöldmat? Ég er í gagnkynhneigðu sambandi en það breytir því ekki að ég laðist ekki að konum. Fólk verður grænmetisætur af heilsufarsástæðum en beikon er samt fokking gott. Ég tók ákvörðun þegar kemur að makanum mínum. Þetta er manneskjan sem mér finnst standa mest með mér. Ég passa algjörlega ekki í neitt steríótýpískt eiginkonuhlutverk. Ég þoli ekki einu sinni orðið eiginkona.“
