Ekki nóg með það að rannsóknir hafa sýnt fram á að konum finnist karlmenn með skegg vera meira aðlaðandi, þá eru niðurstöður úr nýjustu rannsóknum þær að konurnar telja karlmenn með skegg vera betri kost fyrir langtíma sambönd.
Í rannsókninni voru andlitsdrættir karlmanna skoðaðir ásamt skeggvexti þeirra og fengnar voru yfir átta þúsund konur til þess að segja til um hvað þeim þótti aðlaðandi, hvaða andlit þeim þótti vænleg til langtíma sambands og hvaða andlit þeim þótti líkleg til skammtíma sambands.
Í ljós kom að konunum þótti karlmenn með karlmannlega andlitsdrætti líklegri til skammtíma sambanda en þeir karlmenn sem voru ekki með jafn karlmannleg andlit þóttu líklegri kostur til langtíma sambands. Þá var ljóst að konurnar heilluðust frekar að karlmönnum með skegg og töldu þær þá karlmenn betri kost til frambúðar.
Rannsóknin var framkvæmd í háskólanum í Queensland en Metro greindi frá. Telja umsjónarmenn rannsóknarinnar ástæðuna fyrir því að konur heillist frekar að karlmönnum með skegg vera sú að þær sjá fram á mun á getu karlmannanna til þess að veita þeim það sem þær sækjast eftir.
