Erling Haaland framherji Manchester City er mættur til Spánar í frí því ljóst er að hann spilar ekki fótbolta næstu vikurnar.
Haaland meiddist í átta liða úrslitum enska bikarsins þegar liðið vann Bournemouth.
Haaland meiddist á ökkla og mun ekki spila næstu vikurnar, hann fékk því leyfi til að fara til Marbella þar sem hann á glæsilegt heimili.
Haaland gekk um götur Marbella á hækjum en athygli vekur að hann er ekki í hlífðarskó til að passa ökklann.
Fjarvera Haaland er mikið áfall fyrir City enda hefur hann raðað inn mörkum fyrir félagið síðustu þrjú tímabil.
