Sumir af starfsmönnum Talksport eru lítið hrifnir af því að stöðin hafi ráðið Jermaine Jenas til starfa, þessi fyrrum enski landsliðsmaður verður að lýsa hjá Talksport um helgina.
Jenas var í stóru hlutverki hjá BBC en var rekinn úr starfi í fyrra þegar upp komst up subbuleg skilaboð hans til samstarfskonu.
Segir í enskum blöðum í dag að nokkur fjöldi starfsmanna Talksport hafi látið yfirmenn vita að þeir kæri sig ekki um að starfa með Jenas.
Samskipti Jenas við konuna voru birt í enskum miðlum. Jenas fór langt yfir strikið í þessum viðræðum við konuna en hann hefur sjálfur játað upp á sig sökina.
,,Ég hætti ekki að hugsa um þessar myndir af þér þegar þú sendir þær. Þegar þær berast þá hugsa ég með mér… Loksins fæ ég að sjá þennan líkama,“ á Jenas að hafa sagt.
Nokkrum dögum seinna þá sagði konan Jenas að hún og vinkona sín ætluðu að skemmta sér á ströndinni og hafði hann þetta að segja:
,,Allt í lagi… Ég vil sjá þig í bikiní, þú getur ekki skammað mig fyrir það.“
Seinna sagði konan við Jenas að hún væri ekki hrifinn af því að senda myndir í gegnum síma og þá svaraði hann:
,,Ég veit það en þú veist hvernig þetta er þegar þú ert í burtu. Alveg frá því ég sá þig fyrst þá hef ég hugsað um þig.“
Seinna sendi Jenas konunni nektarmyndir en hún segist sjálf hafa verið í áfalli eftir ákveðin skilaboð stjörnunnar. Jenas er fyrrum enskur landsliðsmaður og lék fyrir lið eins og Tottenham á sínum ferli.
Jenas á konu og börn en eiginkona hans hefur staðið með honum í þessum stormi.
