Bjarni Aðalsteinsson er að yfirgefa KA og fara til liðs í dönsku C-deildinni. KA tilkynnir þetta.

Bjarni er 26 ára og hefur verið lykilmaður fyrir KA undanfarin ár. Vann hann meðal annars bikarinn með liðinu í fyrra.

Hann bjó í Danmörku síðasta vetur með kærustu sinni og hefur tekið ákvörðun um að dvelja þar á næsta ári hið minnsta.

Tilkynning KA
Bjarni Aðalsteinsson mun spila með liði í dönsku C-deildinni á komandi sumri. Hann dvaldi í Danmörku síðasta vetur með kærustu sinni, sem er þar við nám, og hefur ákveðið að vera þar að minnsta kosti næsta árið. Hann mun því ekki spila með KA liðinu næsta sumar.

Hjörvar Maronsson, formaður knattspyrnudeildar KA, segir að ákvörðunin hafi verið tekin í góðu samkomulagi við félagið. Hann lofar Bjarna fyrir frábæran tíma hjá KA, allt frá yngri flokkum og upp í meistaraflokk. Bjarni hefur átti stóran þátt í góðum árangri liðsins undanfarin ár. Á þessum tíma var Bjarni lykilleikmaður í baráttu liðsins hér heima fyrir sem og í Evrópukeppnum og er handhafi bikarmeistaratitilsins 2024

Við óskum honum góðs gengis í næstu skrefum erlendis en dyr KA standa Bjarna ætíð opnar aftur.