Paul Pogba hefur tekið óvænta stefnu í sínum ferli utan vallar og orðið hluthafi í einu fremsta úlfaldakappaksturliði heims, Al Haboob í Sádi-Arabíu.
Fyrrum miðjumaður Manchester United, nú leikmaður Monaco, hefur jafnframt tekið að sér hlutverk sendiherra liðsins.
Pogba, 32 ára, segir að hann hafi varið miklum tíma í að kynna sér íþróttina, sem hefur lengi verið rótgróinn hluti menningar í Miðausturlöndum.
Úlfaldar í keppni geta náð allt að 65 km hraða og krefjast mikillar nákvæmni og samvinnu.
„Ég hef horft á margar keppnir á YouTube og reynt að skilja tækni og taktík,“ sagði Pogba við BBC Sport.
„Það sem stendur upp úr er hversu mikil vinna og fórn liggur að baki. Íþrótt er íþrótt, hún krefst hjarta, fórna og liðsheildar.“
Pogba sneri nýverið aftur til keppni eftir 18 mánaða bann og stefnir á að spila á HM 2026.
