Nökkvi Þeyr Þórisson er genginn í raðir Sparta Rotterdam í Hollandi á láni frá St. Louis City í Bandaríkjunum.
Nökkvi, sem er 25 ára gamall, hefur verið í eitt og hálft ár hjá St. Louis, en hann kom þangað frá belgíska liðinu Beerschot. Sóknarmaðurinn skoraði fimm mörk í Bandaríkjunum.
Nú er hann mættur í hollensku úrvalsdeildina á láni og hefur Sparta svo möguleika á að kaupa hann endanlega í sumar.
Sparta er í fallbaráttu hollensku úrvalsdeildarinnar, situr í þriðja neðsta sæti, 2 stigum frá öruggu sæti.
Velkominn, Nökkvi!
— Sparta Rotterdam (@SpartaRotterdam) January 14, 2025
