Börsungar eru vongóðir um það að Pedri, vonarstjarna liðsins, muni krota undir nýjan langtímasamning við félagið.
Um er að ræða 21 árs gamlan miðjumann sem er orðinn einn allra mikilvægasti leikmaður Barcelona þrátt fyrir ungan aldur.
Öll stórlið í Evrópu fylgjast með gangi mála hjá Pedri sem er einn efnilegasti ef ekki efnilegasti miðjumaður heims.
Deco, stjórnarformaður Barcelona, hefur nú tjáð sig um sötðu Barcelona en samningur Pedri rennur út 2026.
,,Til þess að ná samkomulagi um framlengingu þá þarftu að vita hvað leikmaðurinn er að leitast eftir, hvort þeir vilji vinna titla, vera keppnishæfir og auðvitað hversu góðan samning þeir vilja fá,“ sagði Deco.
,,Ég held að Pedri muni skrifa undir framlengingu því hann vill komast í sögubækurnar hérna. Honum líður vel og hann er ánægður og hann vill vinna titla.“
