Guðmundur Hrafn Arngrímsson, formaður Samtaka leigjenda á Íslandi, mun leiða framboð sósíalista í Norðvesturkjördæmi fyrir komandi alþingiskosningar.
„Ég hef samþykkt útnefningu uppstillingarnefndar Sósíalistaflokksins um að leiða framboð sósíalista í Norðvesturkjördæmi fyrir komandi alþingiskosningar,“
segir Guðmundur Hrafn í færslu á Facebook.
„Það er gríðarleg deigla hjá sósíalistum sem hafa lagt fram trúverðuga stefnu í öllum helstu hagsmunamálum almennings. Það er mér heiður að fá tækifæri til þess að vinna henni fylgis.
Öryggi og velferð fyrir alla, en ekki ótta, örbirgð né frekari hnignun innviða.
XJ þann 30. nóvember.“
