Orri Steinn Óskarsson, leikmaður FCK í Danmörku og íslenska landsliðsins, er sagður vera á óskalista enska stórliðsins Manchester City.

Orri hefur staðið sig vel í þeim leikjum sem hann fær í Danmörku en hann var oft varamaður á síðustu leiktíð.

Real Sociedad var orðað við leikmanninn á dögunum en FCK vill fá háa upphæð fyrir þennan öfluga sóknarmann.

David Ornstein hjá Athletic greinir nú frá því að Orri sé á óskalista City sem hefur unnið ensku úrvalsdeildina fjögur ár í röð.

Orri yrði varamaður fyrir Erling Haaland en þessi 19 ára gamli strákur myndi kosta yfir 20 milljónir evra.

Það yrði risastórt skref fyrir Orra að fara til City en um er að ræða eitt besta ef ekki besta félagslið heims.

Ornstein segir að Orri sé ekki líklegast kosturinn fyrir Englandsmeistarana en gæti mögulega fært sig til Manchester áður en glugginn lokar.