Georges Mikautadze er nafn sem margir eru farnir að kannast við en hann er leikmaður Metz í Frakklandi.

Mikautadze er kannski ekki þekktastur fyrir það en hann er einnig landsliðsmaður Georgíu sem spilar á EM í Þýskalandi.

Þar hefur framherjinn staðið sig virkilega vel en hann stoppaði stutt hjá Ajax á sínum ferli en hefur mest megnis leikið með Metz.

West Ham í ensku úrvalsdeildinni ku hafa mikinn áhuga á þessum 23 ára gamla leikmanni en það er Le10Sport sem greinir frá.

Metz er opið fyrir því að selja en vill þó fá 20 milljónir evra fyrir þennan ágæta sóknarmann.