Conor Gallagher kemur inn á miðjuna fyrir Trent Alexander-Arn0ld í lokaleik Englands í riðlakeppni Evrópumótsins á morgun. David Ornstein, virtur blaðamaður The Athletic, heldur þessu fram.
England er á toppi riðilsins fyrir leikinn gegn Slóveníu á morgun en liðið hefur þó verið harðlega gagnrýnt fyrir frammistöðu sína í jafntefli gegn Danmörku í síðsata leik.
Trent hefur byrjað báða leiki Englands til þessa en nú mun Conor Gallagher koma inn samkvæmt fréttum.
Það má því ætla að Gallagher verði á miðjunni með þeim Declan Rice og Jude Bellingham, sem hafa sömuleiðis byrjað báða leikina.
Í riðlinum eru einnig Danmörk og Serbía. Danir og Slóvenar eru með 2 stig en England 4. Serbar eru á botninum með 1 stig og getur allt gerst á morgun.
🚨 Conor Gallagher set to come into England XI for final #EURO2024 group game v Slovenia. Chelsea midfielder expected to replace Trent Alexander-Arnold as Gareth Southgate continues trend of tweaking #ENG team for game 3 of major tournaments @TheAthleticFC https://t.co/VpUM3nshZU
— David Ornstein (@David_Ornstein) June 24, 2024
