Breski varnarmálaráðherrann, Leo Docherty, telur að 450.000 rússneskir hermenn hafi fallið eða særst í stríðinu í Úkraínu á þeim rúmu tveimur árum sem það hefur staðið.

Í samtali við UK Defence Journal sagði Docherty einnig að þessum til viðbótar hafi tugir þúsundar hermanna gerst liðhlaupar síðan stríðið hófst í febrúar 2022.

Hann sagðist ekki vita hversu margir málaliðar úr einkafyrirtækjum, á borð við Wagnerhópinn, sem berjast með rússneska hernum, hafi fallið.

Hvað varðar tjón á búnaði sagði hann að Rússar hafi misst rúmlega 10.000 brynvarin ökutæki, þar á meðal tæplega 3.000 stóra skriðdreka, 109 flugvélar, 136 þyrlur, 346 ómönnuð loftför, 23 herskip og rúmlega 1.500 fallbyssur hafa verið eyðilagðar, skildar eftir eða teknar af úkraínskum hermönnum.