Romario frá Brasilíu var lengi vel einn besti knattspyrnumaður í heimi en hátindur ferilsins hjá honum var þegar hann var leikmaður Barcelona.

Hann hefur nú fundið ástina á nýjan leik með konu sem er 24 árum yngri en hann.

Romario lék 74 leiki fyrir Brasilíu á ferlinum og skoraði í þeim 55 mörk, ekki amaleg tölfræði með landsliði.

Romario er 58 ára gamall í dag en nýja unnusta hans er 34 ára gömul og heitir Maria Geusiane Santos.

Romario hefur reglulega í gegnum árin farið í það að yngja upp maka sinn en Maria er viðburðahaldari í heimalandi þeirra.

Atvinnumannaferill Romario hófst árið 1985 þegar hann var 19 ára gamall en ferlinum lauk 24 árum síðar þegar hann var 43 ára gamall árið 2009.

Romario hefur verið mikið í pólitík í heimalandinu eftir það og komist í nokkrar ábyrgðarstöður þannig.