Manchester United hefur ekki enn tekið neina lokaákvörðun um framtíð Mason Greenwood. Þó er líklegt að félagið sé klárt í að skoða kauptilboð í leikmanninn.
Það er Fabrizio Romano sem segir frá þessu. Framtíð Greenwood hefur verið í umræðunni undanfarið.
Englendingurinn ungi er á láni hjá Getafe frá United og hefur hann staðið sig ansi vel á Spáni. Hann hefur til að mynda vakið athygli Barcelona sem er sagt hafa áhuga á að fá hann.
Samkvæmt fréttum undanfarið á Greenwood enga framtíð hjá United þrátt fyrir að eiga rúmlega ár eftir af samningi sínum þar vegna mála hans utan vallar. Þó segir Romano nú að engin ákvörðun hafi verið tekin.
Sir Jim Ratcliffe og félag hans, INEOS, hafa tekið yfir knattspyrnuhlið United og er beðið eftir þeirra ákvörðun.
Það þykir þó líklegt að Greenwood fari endanlega frá United í sumar og vonast félagið til að fá eitthvað fyrir hann.
Englendingurinn ungi var handtekinn snemma árs 2022 og grunaður um gróft ofbeldi í nánu sambandi. Eftir rúmt ár í rannsókn var málið látið niður falla.
🚨 Man United have not made final decision yet about Mason Greenwood but feeling is that club will be ready to consider proposals in case of permanent transfer bids.
Man United could cash in on Greenwood this summer, waiting for INEOS verdict after internal talks. pic.twitter.com/PSIcg8xsG0
— Fabrizio Romano (@FabrizioRomano) March 11, 2024
