Ole Gunnar Solskjær fyrrum stjóri Manchester United segir að það hafi ekki verið nein vandamál með Cristiano Ronaldo þegar hann var hjá félaginu.

Solskjær var stjóri United þegar Ronaldo mætti til United sumarið 2021 en var skömmu síðar rekinn.

„Hluti af því að fá Cristiano Ronaldo var að fá ástríðuna frá honum en það komu vandamál,“ segir Solskjær í dag en hann var í spjalli hjá Gary Neville og félögum.

„Við vorum með Mason Greenwood, Marcus Rashford og Anthony Martial sem gátu lært frá Ronaldo. Hann er sá besti, hann hefur agann og ég taldi hann geta hjálpað þeim.“

Hann segir að það hafi þó verið krefjandi að stýra Ronaldo sem hafi sett fram beiðni um hvernig honum yrði spilað.

„Þegar hann kom til félagsins þá sagði hann mér að byrja sér í þrjá leiki í röð og svo ætti hann að vera á bekknum í þeim fjórða, svo varð hann ósáttur þegar ég gerði það.“

„Það voru ekki mörg vandamál með hann þegar ég var þjálfari. Það var leikur gegn Everton þegar hann gekk strax af velli þegar ég tók hann af velli. Vandamálin byrjuðu þegar ég fór.“

„Ég átti gott samband við Cristiano og það var mikil virðing á milli okkar. Hann hagaði sér vel þegar ég var stjóri.“