Allt frá því Luis Suarez spilaði með Liverpool hefur hann spilað með umbúðir um hönd sína, þrátt fyrir að ekkert sé að honum. Af hverju er þetta?

Suarez hefur verið í fréttum vegna skipta hans til David Beckham, Lionel Messi og félaga í Inter Miami og því er vert að rifja upp það sem hann sagði um umbúðirnar árið 2017.

„Ég rústaði beini í hægri höndinni og þeir settu umbúðirnar á. Það var svo í góðu lagi með mig en ég hélt áfram að vera með það. Ég var líka með rauðan borða og þar sem enska úrvalsdeildin leyfir ekkert svoleiðis notaði ég umbúðirnar til að fela borðann,“ sagði Suarez.

„Ég geri ýmislegt svona furðulegt. Í hvert sinn sem ég fer inn á völlinn kyssi ég húðflúr af dóttur minni og eiginkonu. Við leikmenn getum verið mjög hjátrúarfullir,“ sagði hann enn fremur.