Lögreglan á höfuðborgarsvæðinu deildi í gærkvöldi færslu frá CERT-IS, netöryggisdeild íslenskra stjórnvalda, þar sem varað er við svikasímtölum.

Símtölin eru sögð hafa það markmið að plata fórnarlömb til að heimila innskráningu í heimabanka með rafrænum skilríkjum.

„Svikasímtölin koma úr símanúmerum sem látin eru líkjast númerum íslenskra banka og greiðslufyrirtækja. Sá sem hringir talar ensku og segist vinna í fjarvinnu til að gefa skýringu á því. Aðilinn er sagður mjög sannfærandi en hann reynir að lokka fórnarlömb til  innskráningar í heimabanka með rafrænum skilríkjum. Þegar innskráningin er leyfð er nær samstundis reynt að skuldfæra kreditkort viðkomandi.“