Dusan Tadic, fyrrum stjarna Southampton, hefur yfirgefið lið Ajax stuttu áður en tímabilið í Hollandi hefst.

Tadic er kominn á seinni árin í boltanum en hann er 34 ára gamall og stóð sig virkilega vel með Ajax.

Ákvörðun var tekin um að rifta samningi Tadic við Ajax fyrir komandi tímabil og er hann því frjáls ferða sinna.

Stuðningsmenn Manchester United eru margir að hugsa það sama og telja að Erik ten Hag gæti reynt að næla í miðjumanninn í sumar.

Tadic þekkir vel til Ten Hag og Englands og gæti reynst öflugur varamaður fyrir Bruno Fernandes.

Aðeins er um orðróm að ræða að svo stöddu en Ten Hag fékk Tadic í sínar raðir frá Southampton til Ajax árið 2018.