Samkvæmt frétt Expressen þá brá Önnu mjög í brún dag einn þegar hún og fimm ára dóttir hennar, Iris, voru á leið á salernið í sundlauginni. Starfsmaður stöðvaði þær þá og benti á Írisi.
„Hann vildi vita af hverju hún væri ekki í bikínitopp. Ég hélt að þetta væri grín og spurði hvort það liti út fyrir að hún þyrfti að nota bikínitopp. Hann svaraði: „Þannig á þetta bara að vera. Það lítur betur út.“,“ sagði Anna í samtali við Expressen.
Þegar heim var komið setti hún sig í samband við yfirmann sundlauganna í sveitarfélaginu og skýrði frá hvað hafði gerst.
Í samtali við Expressen sagði hún að hún telji þetta ekki snúast um að taka einstaklinga út úr til að finna að við þá. Þetta snúist um vaxandi kyngervingu barna og það er stórt vandamál að hennar mati.
„Ég tel þetta vera stórt samfélagslegt vandamál og það þarf að beina sjónum okkar að því. Maður verður að taka ábyrgð sem foreldri og gera athugasemd þegar eitthvað þessu líkt gerist. Ég sá viðbrögð Írisar, hún var ringluð og skildi ekkert í þessu,“ sagði Anna.
