Fyrrverandi barnastjarnan Angus T. Jones hefur svo sannarlega fullorðnast og stækkað eftir að hann fór með hlutverk Jake Harper í vinsælu gamanþáttunum Two and a Half Men.
Hann hefur haldið sig frá sviðsljósinu síðan hann hætti í þáttunum fyrir um áratug síðan og sást síðast opinberlega fyrir ári síðan. Nýjar myndir af honum hafi vakið mikla athygli og greina erlendir fjölmiðlar, eins og E! News, frá því að leikarinn sé nær óþekkjanlegur á myndunum.
‘Two and a Half Men’ star Angus T. Jones looks unrecognizable in first sighting in a year https://t.co/gKnDhkTHRj pic.twitter.com/2xXEyPtY9R
— Page Six (@PageSix) May 23, 2023
Jones var tíu ára gamall þegar hann byrjaði að leika í þáttunum ásamt Jon Cryer og Charlie Sheen. Þættirnir enduðu með að verða gífurlega vinsælir, svo vinsælir að Jones var ein af launahæstu barnastjörnunum þegar hann sagði skilið við þættina.
‘Two and a Half Men’ child star Angus T. Jones’ transformation through the years https://t.co/NqzfUlAJM7 pic.twitter.com/0ITpUSIcnP
— Page Six (@PageSix) May 24, 2023
Árið 2012 tilkynnti Jones að hann hafði „fundið Guð“ og hafði engan áhuga á að halda áfram og leika í elleftu þáttaröð Two and a Half Men. Hlutverk hans, Harper, var þá farinn að drekka áfengi, hafa áhuga á öðrum vímuefnum og stunda kynlíf, en Jones sagði að honum þætti það óþægilegt og að það færi gegn hans skoðunum. Þá var Ashton Kutcher búinn að taka við af Sheen í þáttunum.
Hann var gestur í lokaþættinum árið 2015 en síðan þá hefur hann að mestu haldið sig frá sviðsljósinu. Síðasta hlutverk hans var í þætti af Horace and Pete árið 2016.
Page Six birti myndir af leikaranum, sem er orðinn 29 ára, á göngu um hverfið sitt í Los Angeles.