Vladimir Pútín og yfirmenn rússneska hersins eru sagðir vera í uppnámi eftir hræðilega nótt rússneska hersins í Úkraínu. Tvær orrustuþotur af gerðinni Su-34 og S-35 voru skotnar niður í nótt og sömuleiðis tvær herþyrlur af gerðinni Mi-8.
Iryna Vereshchuk, varaforsætisráðherra Úkraínu, greindi frá þessu í færslu á Facebook. Hún fullyrti að Rússar væru í uppnámi vegna skaðans.
Rússneski miðillinn Kommersant greinir frá því að orrustuþoturnar hafi átt að gera árás á skotmork í Chernihiv-fylki í Úkraínu og að þyrlurnar hafi fylgt þeim til þess að styðja við árásarnir og einnig vera til taks ef ein vélin yrði skotin niður. Fáa hefði órað fyrir því að um yrði að ræða hinstu för allra fjögurra vélanna. Alls voru níu hermenn um borð og eru þeir allir taldir af.
