Áhugafornleifafræðingur gerði stóra uppgötvun í norðurhluta Þýskalands þegar hann var að leita að fornmunum með málmleitartækinu sínu. Hann fann fjársjóð í 800 ára gömlum felustað. Þar voru skartgripir úr gulli, silfurpeningar og fleira.

Þetta bendir til að að þarna hafi verið verslunarstaður til forna en þarna stóð áður bærinn Haithabu sem lagður í rúst 1066. Tveimur öldum síðar gróf einhver fullan poka af verðmætum á þessu svæði og það voru þessi verðmæti sem fundust nýlega.

Meðal munanna eru tveir glæsilegir eyrnalokkar úr gulli, skreyttir verðmætum eðalsteinum, hringir, brot úr hring, barmnælur og um 30 silfurpeningar.

Mikið hefur verið leitað á þessu svæði og því kom það finnandanum mjög á óvart þegar málmleitartækið hans gaf svörun.