Bernardo Silva mun ekki ganga í raðir Barcelona í sumar eins og margir bjuggust við á tímapunkti.

The Athletic greinir frá þessu en Bernardo hefur verið á óskalista Barcelona í langan tíma.

Verðmiði leikmannsins er hins vegar 85 milljónir punda og er það eitthvað sem spænska félagið getur ekki borgað.

Barcelona hefur verið í fjárhagsvandræðum undanfarið ár en hefur þó einhvern veginn tekist að fá til sín nýja leikmenn sem kostuðu sitt.

Bernardo mun nú einbeita sér að verkefninu í Manchester en hann hefur enn ekki byrjað deildarleik á tímabilinu.

Það yrði einnig vandamál fyrir Börsunga að skrá Bernardo í leikmannahópinn og eru allar líkur á að skiptin gangi ekki í gegn.