Nokkuð sorglegt atvik átti sér stað á heimavelli Brentford í gær er Manchester United kom í heimsókn í ensku úrvalsdeildinni.

Christian Eriksen lék með Man Utd í þessum leik en hann spilaði með Brentford síðasta vetur og stóð sig frábærlega.

Eriksen var um tíma í guðatölu hjá stuðningsmönnum Brentford sem vildu mikið halda honum fyrir þetta tímabil.

Stuðningsmennirnir voru ekki ánægðir með þá ákvörðun Eriksen að fara en hann yfirgaf Brentford frítt í sumar til að ganga í raðir Man Utd.

Það var baulað hressilega á Eriksen á heimavelli Brentford í gær er heimaliðið hafði betur 4-0 gegn Rauðu Djöflunum.

Það tók stuðningsmennina aðeins nokkrar sekúndur að láta í sér heyra eftir upphafsflautið og ljóst er að hann er ekki sá vinsælasti þar á bæ eftir ákvörðun sumarsins.

Atvikið er nokkuð sorglegt eftir fallega endurkomu Eriksen í fótboltann síðasta vetur eftir hjartastopp á EM 2021.