Miðvörðurinn öflugi, Kalidou Koulibaly, gæti yfirgefið Napoli í sumar. Gianluca Di Marzio segir þrjú félög líklegust til að hreppa leikmanninn.

Koulibaly er orðinn 31 árs gamall en hann hefur verið orðaður frá Napoli í hverjum félagaskiptaglugga í nokkur ár. Aldrei hefur hann þó farið.

Juventus fylgist nú með gangi mála hjá leikmanninum. Félagið gæti misst Matthijs de Ligt á næstu dögum og þurfa því að fylla í hans skarð. Það er þó talið líklegt að Koulibaly vilji burt frá Ítalíu, fari hann frá Napoli.

Því er líklegra að hann gangi til liðs við Chelsea eða Barcelona. Fyrrnefnda félagið er einmitt sagt vilja de Ligt en gæti snúið sér að Koulibaly ef félagið fær hann ekki.

Þriðji möguleikinn er, sem fyrr segir, Barcelona. Katalóníufélagið á þó í fjárhagsvandræðum.