Ajax er búið að ná samkomulagi við Tottenham um kaupverð á sóknarmanninum Steven Bergwijn.

Ýmsir enskir miðlar greina frá þessu en Bergwijn greindi frá því sjálfur að hann væri að leitast eftir því að fara fyrr í sumar.

,,Ég þarf að fara og fá að spila. Er mikilvægt að nýja liðið mitt sé í Meistaradeildinni? Það er ekki númer eitt,“ sagði Bergwijn við AD fyrr í sumar.

Bergwijn reyndi að yfirgefa Tottenham í vetur en félagið neitaði að hleypa honum burt í janúarglugganum.

Bergwijn er orðinn vel þreyttur á að fá lítið að spila en hann hefur ekki unnið sér inn fast sæti í sóknarlínu Spurs.

Samkvæmt þessum fréttum mun Ajax borga 20 milljónir fyrir Bergwijn sem var áður á mála hjá PSV í Hollandi.