Stuðningsmenn kröfðust þess að dómarar grípi til aðgerða eftir að knattspyrnustjóri Arsenal, Mikel Arteta, yfirgaf tæknisvæði sitt og var kominn í nánast snertifjarlægð við varnarmann Liverpool, Milos Kerkez, í leik liðanna í gær.
Leiknum á Emirates lauk með markalausu jafntefli, sem þýddi að Arsenal jók forskot sitt á toppi ensku úrvalsdeildarinnar í sex stig. Lundúnaliðið hafði fengið kjörið tækifæri til að stinga af eftir að Manchester City gerði jafntefli við Brighton & Hove Albion og Aston Villa tapaði stigum gegn Crystal Palace.
Arteta, sem er 43 ára gamall, vakti þó mikla reiði meðal stuðningsmanna þegar hann virtist setja Kerkez undir pressu í fyrri hálfleik, langt utan síns tæknisvæðis. Margir létu óánægju sína í ljós á samfélagsmiðlum og kröfðust þess að dómarinn, Anthony Taylor, gripi inn í. Þetta stef er þekkt hegðun hjá Arteta og vekur jafnan upp mikla reiði að hann fái að vaða svona um hliðarlínuna.
„Er Arteta orðinn hægri bakvörður?“ spurði einn stuðningsmaður kaldhæðnislega. Annar skrifaði.
„Hver er tilgangurinn með tæknisvæði ef Arteta má bara gegenpressa Kerkez?“
Sá þriðji bætti við. „Skilur Arteta yfirhöfuð hvað tæknisvæði er?“ Þá skrifaði annar. „Hvernig kemst hann alltaf upp með að vera utan tæknisvæðisins? Hann er nánast inni á vellinum.“
Atvikið hefur vakið mikla umræðu og aukið gagnrýni á hegðun Arteta við hliðarlínuna.
